2025 թվականի օգոստոսին Tesla-ի վաճառքը Եվրոպայի մի շարք երկրներում կտրուկ անկում է գրանցել․ Ֆրանսիայում՝ 47.3%, Շվեդիայում՝ ռեկորդային 84%, Դանիայում՝ 42%, Նիդերլանդներում՝ 50%, և Իտալիայում՝ 4.4%։ Միակ բացառությունը Նորվեգիան է, որտեղ Tesla-ի վաճառքը աճել է 21.3%․ սակայն չինական BYD մրցակցի 218% աճի ֆոնին այս ցուցանիշը համեստ է։

Անկման հիմնական պատճառների թվում են BYD-ի հետ մրցակցությունը, 2020-ից ի վեր նոր մոդելների բացակայությունը, ինչպես նաև Իլոն Մասկի քաղաքական դիրքորոշումները, որոնք եվրոպացիների շրջանում բուռն քննադատության են արժանացել։ Բացի այդ, Tesla-ն զգալիորեն իջեցրել է նոր մեքենաների գները, ինչը նպաստել է օգտագործված մեքենաների շուկայի 270% աճին։

ԵՄ նախագահի ինքնաթիռի GPS-ը Բուլղարիայում միջամտության է ենթարկվել

Բուլղարիայի Պլովդիվ օդանավակայանում վայրէջքի ժամանակ Եվրոպական հանձնաժողովի նախագահ Ուրսուլա ֆոն դեր Լայենի ինքնաթիռը GPS միջամտության է ենթարկվել։ Նավիգացիոն համակարգն ամբողջությամբ խափանվել է, և օդաչուն ստիպված է եղել օգտագործել թղթե քարտեզներ՝ ապահով վայրէջք կատարելու համար։ Բուլղարական իշխանությունները մեղադրում են Ռուսաստանին։

Եվրոպական հանձնաժողովը այս միջադեպը որակել է որպես Ռուսաստանի կողմից կատարված կոպիտ միջամտություն, մինչդեռ Կրեմլը հերքել է իր ներգրավվածությունը։ Սա առաջին դեպքը չէ․ Ուկրաինայի պատերազմի սկսվելուց հետո բազմապատկվել են GPS միջամտությունների և ազդանշանների կեղծման դեպքերը, հատկապես Բալթյան երկրներում և ԵՄ արևելյան սահմանամերձ տարածքներում։

Meta-ն ուժեղացնում է դեռահասների AI պաշտպանությունը՝ չատբոտերի անպատշաճ վարքագծի սկանդալից հետո

Reuters-ի հետաքննությունը բացահայտեց, որ Meta-ի չատբոտերը թույլ էին տալիս անչափահասների հետ ռոմանտիկ երկխոսություններ և ինքնասպանության թեմայով քննարկումներ։ Դրանից հետո ընկերությունը նոր պաշտպանական միջոցներ է ներդրել․ այժմ ԱԲ-բոտերը խուսափում են նմանատիպ թեմաներից անչափահասների հետ շփման ժամանակ։

Սկանդալը հասավ գագաթնակետին, երբ Reuters-ը հրապարակեց Meta-ի ներքին փաստաթղթեր, որտեղ կային սադրիչ զրույցներ թույլատրող ցուցումներ։ Դրանից հետո ընկերությունը ջնջեց այդ դրույթները և հայտարարեց, որ դրանք չեն համապատասխանում իր պաշտոնական քաղաքականությանը։

Այսօր Meta-ն անգամ OpenAI-ի և Google-ի հետ է քննարկում համագործակցության հնարավորությունները խնդիրը լուծելու համար և սահմանափակում է ռոմանտիկայի, ինքնանվնասման, ինքնասպանության և նմանատիպ թեմաների քննարկումը անչափահասների հետ։

Բացի այդ, ընկերությունը Threads-ում փորձարկում է «երկար գրառումներ»՝ գրառումների շղթայի փոխարեն։ Նոր ձևաչափը հասանելի է iOS-ում օգտատերերի սահմանափակ խմբի համար։ Այն Threads-ը դարձնում է ավելի գրավիչ գրողների, բլոգերների և երկար տեքստեր հրապարակող հեղինակների համար՝ ի տարբերություն X-ի, որտեղ «Articles»-ը հասանելի է միայն Premium բաժանորդներին։ Ներկայումս հնարավոր է կցել միայն տեքստ՝ առանց պատկերների կամ վիդեոյի, բայց Meta-ն կարող է հետագայում ընդլայնել ֆունկցիոնալությունը։

Subscribe now

OpenAI-ն ուժեղացնելու է ChatGPT-ի անվտանգությունը դեռահասի ինքնասպանության հետ կապված դատական հայցից հետո

16-ամյա Ադամ Ռեյնսի ընտանիքը դատական հայց է ներկայացրել OpenAI ընկերության դեմ՝ պնդելով, որ ChatGPT-ն իրականում «մղել է» տղային ինքնասպանության։ Ըստ նրանց՝ զրույցի ընթացքում չաթբոտը չէր արձագանքում տղայի խառը հուզական վիճակին, իսկ երբ խոսքը գնացել է ինքնասպանության մասին, տարբեր մեթոդներ է քննարկել նրա հետ։ Դրա արդյունքում ընկերությունը հայտարարել է համակարգը փոխելու և խոցելի օգտատերերի համար անվտանգության միջոցները վերանայելու մտադրության մասին։

OpenAI-ն ընդունել է, որ չաթբոտը կարող է «թուլանալ» երկարատև երկխոսությունների ժամանակ և հայտարարել է մի շարք նորարարությունների ներդրման մասին՝ ուժեղացված ֆիլտրեր, հույզային խանգարումների նշանների (ծայրահեղ անքնություն, խառնակ գաղափարներ) հստակ ճանաչում, դրանից հետո օգտատիրոջ «իրականություն վերադարձ», շտապ օգնության գծերի և լիցենզավորված թերապևտների հետ կապի հնարավորություն, մոտիկներին ազդարարելու մեխանիզմներ, ինչպես նաև ծնողական վերահսկողության գործիքներ՝ երեխաների համար վստահելի կոնտակտներ նշանակելու տարբերակով։

Տիեզերքում ամենամեծ արբանյակային ալեհավաքն է տեղակայվել

NASA-ն և Հնդկաստանի ISRO տիեզերական գործակալությունը հաջողությամբ բացել են տիեզերքում հսկայական ռադիոտեխնիկական ռեֆլեկտոր՝ 39 ֆուտ

Այսպիսով, ԱԲ-ն արհեստականորեն ստեղծում է հուզական կապվածություն և վստահություն, ինչը նպաստում է օգտատիրոջը հարթակում պահելուն, սակայն միաժամանակ քայքայում է նրա քննադատական մտածողությունը։ Ուսումնասիրությունները ցույց են տալիս, որ չափից դուրս կոպիտ շողոքորթությունը, այնուամենայնիվ, նվազեցնում է ԱԲ-ի նկատմամբ վստահությունը․ թեստի մասնակիցները ավելի շատ վստահում էին պակաս լպրծուն, բայց ազնիվ ու քննադատող ԱԲ-ին, քան ամեն ինչի համաձայն ու գովաբանողին։

Subscribe now

Արհեստական ընդհանուր բանականության վերաբերյալ մոտեցումը փոխվում է

Արհեստական ընդհանուր բանականության (AGI) շուրջ բանավեճերի պիկից հետո ոլորտը մեկ քայլ հետ է անում։ Շուկայի առաջատարները այլևս չեն խոստանում AGI արդեն վաղը, իսկ ներդրողներն ու ընկերությունները ավելի շատ կողմնորոշվում են ԱԲ-ի կոնկրետ, չափելի ձեռքբերումներով։ AGI-ն այլևս չի քննարկվում որպես անխուսափելի իրականություն․ OpenAI-ն և Meta-ն մեղմացրել են իրենց կանխատեսումները՝ անցնելով ապագա հնարավոր «գերբանականության» անվտանգության խնդիրների քննարկմանը և արդեն հասանելի տեխնոլոգիաների գործնական օգտակարության զարգացմանը։

Google-ի NotebookLM-ը հասանելի է դառնում արդեն 80 լեզվով

Google-ը զգալիորեն ավելացրել է իր NotebookLM գործիքի հասանելիությունը։ Video Overviews վիդեոակնարկներն այժմ գեներացվում են 80 լեզվով՝ ներառյալ ֆրանսերեն, գերմաներեն, իսպաներեն, ճապոներեն և բազմաթիվ հնդկական լեզուներ։ Audio Overviews ձայնային տարբերակներն էլ նոր բարելավումներ են ստացել։ ԱԲ գործիքը կարողանում է ստեղծել բազմալեզու վիդեոակնարկներ և ձայնային ամփոփումներ՝ ազատելով օգտատերերին անգլերենից կախվածությունից և հեշտացնելով մայրենի լեզվով սովորելը։ Այս ֆունկցիան հատկապես օգտակար է ուսանողների, հետազոտողների և բոլոր նրանց համար, ովքեր նախընտրում են տեսողական կամ ձայնային ուսուցումը, ինչպես նաև նրանց համար, որոնց մայրենի լեզուն անգլերենը չէ։

Subscribe now

Pixel 10-ը առաջին անգամ հնարավորություն է տալիս WhatsApp-ով զանգահարել արբանյակային կապով՝ նույնիսկ առանց ցանցի

Google-ը փոխում է բջջային կապի մասին պատկերացումները․ Pixel 10-ում առաջին անգամ հայտնվել է WhatsApp-ով ձայնային և տեսազանգեր կատարելու հնարավորություն արբանյակային կապով՝ նույնիսկ առանց բջջային ցանցի։ Նոր հնարավորությունը սկսում է գործել օգոստոսի 28-ից՝ սարքի պաշտոնական վաճառքի մեկնարկի օրը։

Մինչ այժմ արբանյակային կապը կիրառվում էր միայն արտակարգ SOS հաղորդագրությունների և տեղակայման որոշման համար։ Այժմ գործառույթը դուրս է գալիս նոր մակարդակի՝ դառնալով ուղղակիորեն հասանելի միլիարդավոր օգտատերերի համար։ Pixel 10-ը դարձավ աշխարհի առաջին սմարթֆոնը, որը ներառել է նման հնարավորություն։

Այն գործում է միայն այն դեպքում, երբ օպերատորները հասանելի չեն, և հնարավոր է հավելյալ ծախսեր առաջացնի օգտատերերի համար։

YouTube-ն ԱԲ-ով փոխում է օգտատերերի վիդեոները՝ առանց հեղինակներին ծանուցելու

Օգտատերերը բողոքում են, որ YouTube-ի վիդեոները, հատկապես Shorts բաժնում, երբեմն սկսում են դիտվել այնպես, կարծես արհեստական բանականությամբ ստեղծված անիմացիա լինեն, չնայած դրանք իրական վիդեոներ են։ Հեղինակները որևէ ծանուցում չեն ստացել նման փոփոխությունների վերաբերյալ։ Այսպիսի մշակումն, որն իրականացվում է հարթակի կողմից, խախտում է հարթակի և հեղինակների միջև վստահությունը։ Թեև YouTube-ը արդեն պահանջում է հեղինակներից մակնշել «զգալիորեն փոփոխված» կամ ԱԲ-ով ստեղծված վիդեոները, ներկայիս դեպքը՝ Shorts-ի ավտոմատ մշակումը առանց համաձայնության, վտանգ է ներկայացնում հեղինակների համար։ Նրանք վախենում են կորցնել իրենց լսարանը, եթե վերջիններիս մոտ նվազի վստահությունը թե՛ հարթակի, թե՛ տեսանյութերի բնականության նկատմամբ։

Honda-ն ակտիվորեն զարգացնում է ինքնավարության և ԱԲ-ի ուղղությունը։ Ընկերությունը երկարամյա համաձայնագիր է ստորագրել կալիֆորնիական Helm.ai ընկերության հետ՝ նպատակ ունենալով ստեղծել ինքնավար համակարգեր, որոնք շուկա կմտնեն արդեն 2027-ին։ Համակարգը կլինի մասամբ ավտոմատացված՝ վարորդի մշտական ուշադրության պահպանման պահանջով։ Միաժամանակ Helm.ai-ը ներկայացրել է իր Helm.ai 

Vision տեխնոլոգիան, որն ի վիճակի է «թռչնի թռիչքի» տեսանկյունից ճշգրիտ քարտեզագրել տարածքը։ Համակարգը կ ինտեգրվի Honda Zero էլեկտրամեքենաների մեջ արդեն 2026-ին։ Ընկերությունը նաև բանակցում է այս տեխնոլոգիայի լիցենզավորման շուրջ այլ ավտոարտադրողների հետ։

Oracle-ը գազային գեներատորներով հսկայական տվյալների կենտրոն է գործարկում՝ տարեկան $1 միլիարդ ծախսելով

Oracle-ը նախատեսում է Արևմտյան Տեխասում գործարկել նոր տվյալների կենտրոն, որն ամբողջությամբ կսպառի գազային գեներատորների արտադրած էլեկտրականություն։ Այս մոտեցումը ընկերությանը կարժենա տարեկան ավելի քան $1 միլիարդ։ Որոշումը պայմանավորված է էլեկտրական ցանցերին միանալու երկարատև ժամկետներով։ Engadget-ի տվյալներով՝ սպասելու փոխարեն Oracle-ը նախընտրել է «ինքնուրույն և անմիջապես» լուծումը․ 1,4 ԳՎտ էներգիա սպառող խոշոր տվյալների կենտրոնը (համարժեք միլիոնավոր տների սպառման ծավալին) կաշխատի բնական գազով։ Այս քայլը վկայում է ընկերության ծայրահեղ պատրաստակամության մասին՝ արագ ներդրումներ կատարելու ԱԲ ենթակառուցվածքների զարգացման համար, ինչպես նաև նրա պակաս զգուշավոր վերաբերմունքի մասին բնապահպանական ռիսկերի հանդեպ։

Subscribe now

Ռուս ալպինիստուհին մեկ շաբաթ է գտնվում է 7000 մ բարձրության վրա կոտրվածքով, իսկ նրան փրկելու փորձերը մահերով են ավարտվում

47-ամյա ռուս ալպինիստուհի Նատալյա Նագովիցինան ոտքը կոտրել է Հաղթանակի գագաթից (7439 մ) իջնելիս և արդեն մեկ շաբաթ է մնում է մոտ 7000 մ բարձրության վրա՝ կյանքի և մահվան սահմանագծին։ Նրա էվակուացիայի փորձերը բարդացնում են եղանակային պայմանները և արդեն հանգեցրել են փրկարարների մահվան։

Միջադեպը տեղի է ունեցել օգոստոսի 12-ին․ իջնելիս Նատալյան կոտրել է ոտքը։ Նրա գործընկերը առաջին օգնություն է ցուցաբերել և վերադարձել է հիմնական ճամբար՝ օգնության հետևից։ Հաջորդ օրը երկու օտարերկրյա ալպինիստ բարձրացել են նրա մոտ՝ թողնելով ուտելիք, քնապարկ և գազային վառարան, սակայն իջեցնել նրան չեն կարողացել․ նրանք ինքնուրույն ուժասպառ են եղել և սառել։ Նրանցից մեկը՝ իտալացի Լուկան, մահացել է 6800 մ բարձրության վրա։ Ղրղզստանի պաշտպանության նախարարության ուղղաթիռը փորձել է էվակուացնել տուժածներին, սակայն վատ տեսանելիության պատճառով կատարել է վտանգավոր վայրէջք՝ որի հետևանքով տուժել են օդաչուն և փրկարարը։ Նոր էվակուացիոն փորձ նախատեսվում է օգոստոսի 20–21-ին, սակայն հաջողության հնարավորությունները նվազագույն են․ ջերմաստիճանը հասնում է −20°C-ի, Նատալյայի մոտ գրեթե սնունդ և ջուր չի մնացել, և վերջին տվյալներով նա կյանքի նշաններ այլևս չի ցույց տալիս։ Ավելի վաղ Տյան Շանում մահացել էր նաև նրա ամուսինը՝ նույնպես ալպինիստ։

Subscribe now

Grok-ի արտահոսած ներքին պռոմպտերը բացահայտել են նրա ծայրահեղական «անհատականությունները»

xAI-ի Grok չաթ-բոտի համակարգային պռոմպտների արտահոսքը ցույց է տվել, որ ԱԲ-ն պարապեցվել է «խելագար կոնսպիրոլոգի» և «չար կատակերգուի» կերպարներով։ xAI-ը, կարծես, պատրաստ է շատ հեռու գնալ՝ ծրագրավորելով սադրիչ կերպարներ։ Grok-ը ներկայացված է որպես 4chan-ի և Infowars-ի միջավայրից «բնակվող» հերոս, որը տալիս է անհեթեթ հարցեր։ Մեկ այլ կերպար խրախուսում է ծայրահեղ «խելագարություն» և նույնիսկ նվաստացուցիչ թեմաներ զվարճության համար։ Թեև համակարգում կան նաև ավելի չեզոք դերեր (օր.՝ բժիշկ-հոգեբան, տնային աշխատանքի օգնական), Grok-ի էքստրավագանտ կերպարները մտահոգիչ են՝ ներգրավվածությունը ցանկացած գնով ապահովելու տեսանկյունից։

Google-ի տվյալների բազայի արտահոսք․ 2,5 միլիարդ Gmail օգտատեր սպառնալիքի տակ է

Google-ը պաշտոնապես հաստատել է, որ հաքերային հարձակման է ենթարկվել ընկերության ներքին տվյալների բազաներից մեկը, որը պարունակել է Gmail և Google Cloud օգտատերերի ընդհանուր տեղեկություններ։ Ռիսկի տակ են եղել հաճախորդների և կազմակերպությունների անունները, սակայն գաղտնաբառեր չեն արտահոսել։ 

Դեպքը արդեն հանգեցրել է խարդախության նոր մեթոդների․ խարդախները զանգահարում են «Google աջակցման ծառայության» անունից, հաղորդում հաշվի առևանգման մասին և առաջարկում «մուտքի վերականգնում»՝ օգտատիրոջ գաղտնաբառը ստանալու համար։ Google-ը խորհուրդ է տալիս օգտատերերին անմիջապես անցնել Security Checkup ստուգումը, ակտիվացնել Advanced Protection Program-ը և գաղտնաբառերի փոխարեն անցնել passkey-ների։ Ամենակարևորը՝ միշտ կասկածանքով մոտենալ զանգերին կամ նամակներին, որոնք ներկայացվում են Google-ի անունից, քանի որ ընկերությունը երբեք չի զանգահարում գաղտնաբառերը հաստատելու համար։

Պեկինում ավարտվել են հումանոիդ ռոբոտների առաջին օլիմպիական խաղերը

Պեկինում անցկացված առաջին համաշխարհային World Humanoid Robot Games-ում (Հումանոիդների օլիմպիադա) 16 երկրից ավելի քան 500 ռոբոտ մրցել են սպորտային և կենցաղային առաջադրանքներում՝ ֆուտբոլից ու վազքից մինչև դեղերի դասակարգում և սենյակների մաքրում։ Ցուցադրությունները տեղ-տեղ ծիծաղելի էին․ ռոբոտները հաճախ ընկնում, բախվում ու խցանվում էին։ Սակայն այդ զվարճալի պատկերի հետևում նկատվում էր տեխնոլոգիական լուրջ առաջընթաց։ Օրինակ, UniX AI մոդելը սենյակը մաքրել է 9 րոպեից պակասում, ինչը արդեն գործնական կիրառման մակարդակ է։ Սա ցույց է տալիս, որ հումանոիդ ռոբոտները դանդաղորեն մոտենում են իրական կենցաղային խնդիրների լուծմանը։ 

Տեխնոլոգիական ոլորտը արագ զարգացման փուլում է, և Չինաստանը նպատակ ունի մինչև 2027 թվականը դառնալ այս ուղղության համաշխարհային առաջատար։

WIRED-ի ձեռք բերած նամակները ցույց են տալիս, որ Թրամփի վարչակազմի ԱԲ-ի արագ ներդրման քաղաքականությունը հանգեցրել էր գնումների պարզեցված գործընթացների, ինչը հնարավորություն էր տվել OpenAI և Anthropic ընկերություններին մուտք գործել պետական ֆինանսավորման դաշտ։ xAI-ն էլ ավելի վաղ ստացել էր 200 միլիոն դոլարի պայմանագիր ԱՄՆ պաշտպանության նախարարության հետ՝ Grok-ը դաշնային գործակալություններում տեղակայելու համար։

Stranger Things-ի ստեղծողները միանում են Paramount-ին

Netflix-ի հայտնի Stranger Things սերիալի ռեժիսորներ և սցենարիստներ Ռոս և Մեթ Դաֆերները բացառիկ պայմանագիր են ստորագրել Paramount-ի հետ։ Այս որոշումը հարցեր է առաջացրել նրանց ապագա համագործակցության վերաբերյալ Netflix-ի հետ։ Այնուամենայնիվ, եղբայրների ընթացիկ նախագծերը, այդ թվում՝ Stranger Things-ի հինգերորդ և վերջին սեզոնը, կշարունակեն հեռարձակվել Netflix-ում։ Դաֆերների Paramount տեղափոխվելու հիմնական պատճառը մեծ կինոնկարներ ստեղծելու ցանկությունն է, ինչը Netflix-ի կինոթատրոնային քաղաքականության պատճառով հնարավոր չէր։

Anthropic-ը Claude մոդելներին հնարավորություն է տվել ավարտել զրույցները՝ վիրավորական բովանդակության դեպքում։

Anthropic ընկերությունը ներկայացրել է նոր ֆունկցիա Claude Opus 4 և 4.1 մոդելների համար, որը թույլ է տալիս մոդելին ավարտել զրույցները «հազվադեպ և ծայրահեղ դեպքերում», եթե դրանք վերածվում են մշտական վիրավորանքների կամ վտանգավոր հաղորդագրությունների։ Նպատակը վնասակար բովանդակության տարածումը կանխելն է։ Ֆունկցիան կիրառվում է միայն այն դեպքում, երբ այլ ուղղորդման փորձերը արդյունք չեն տալիս։

Anthropic-ը, սակայն, չի պնդում, թե իր մոդելները գիտակցություն ունեն կամ բարոյական արժեքներ, և շարունակում է անորոշ թողնել «վնասի» հասկացության չափորոշիչները։

Microsoft-ը կդադարեցնի Windows 10-ի աջակցությունը, ինչը կազդի 700 միլիոնից ավելի օգտատերերի վրա։

Microsoft-ը հայտարարել է, որ 2025 թվականի հոկտեմբերի 14-ից կդադարեցնի Windows 10-ի աջակցությունը՝ ազդելով 700 միլիոնից ավելի օգտատերերի վրա։ Ընկերությունը օգտատերերին առաջարկում է անցնել Windows 11-ին։

Forbes-ի տվյալներով՝ Microsoft 365 փաթեթը Windows 10-ում կշարունակի աջակցվել մինչև 2028 թվականը, ինչը օգտատերերին լրացուցիչ ժամանակ կտա։ Windows 10-ը Microsoft-ի ամենատարածված օպերացիոն համակարգն է, և աջակցության դադարեցումը կնշանակի անվտանգության թարմացումների և տեխնիկական օժանդակության բացակայություն։

Apple-ը պատրաստվում է աշնանը անակնկալ թարմացումներ ներկայացնել։

Apple-ը պատրաստվում է 2025 թվականի աշնանը ներկայացնել մի շարք արտադրանքների նորացված տարբերակներ, որոնք սովորաբար ամեն տարի չեն թարմացվում։ Ընկերությունը թողարկելու է Apple TV 4K, HomePod mini և AirTag 2-ի նոր մոդելները։

2022-ի վերջին թարմացումից հետո Apple TV 4K-ն կստանա A17 Pro չիպ՝ Apple Intelligence-ի աջակցությամբ և ավելի բարձր արդյունավետությամբ։ HomePod mini-ն, որը թողարկվել է 2020-ին, կստանա նոր S9 չիպ՝ A16 Bionic հիմքով, ինչպես նաև բարելավված Wi-Fi և Bluetooth։ AirTag 2-ը կստանա նոր Ultra Wideband չիպ՝ ավելի մեծ տարածություն և որոնման ճշգրտություն ապահովելու համար։

Բացի դրանից, սեպտեմբերին սպասվում է iPhone 17-ի ընտանիքի թողարկումը՝ ներառյալ 17, 17 Air, 17 Pro և 17 Pro Max մոդելները, ինչպես նաև նոր Apple Watch-եր։ Նոր iPad-ներն ու Mac-երը, ամենայն հավանականությամբ, կներկայացվեն արդեն 2026 թվականի գարնանը։

Subscribe now

Թրամփը չի բացառել ԱՄՆ զորքերի կրճատումը Եվրոպայում՝ Ուկրաինայում խաղաղություն հաստատելու համար

Սպիտակ տանը ասուլիսի ժամանակ Դոնալդ Թրամփը հայտարարել է, որ քննարկում է ամերիկյան ռազմական ուժերի կրճատման հնարավորությունը Եվրոպայում, եթե դա կօգնի հաստատել Ուկրաինայում խաղաղություն։ Նա նշել է, որ այս հարցը նախկինում իր առաջ չի դրվել, սակայն խոստացել է «ավելի ուշ մտածել դրա մասին»։ Միևնույն ժամանակ, Կրեմլի մամուլի ծառայությունը հայտարարել է, որ Պուտինը չի պահանջել նմանատիպ գործողություններ։

Սա առաջին անգամը չէ, որ Թրամփը չի բացառում զորքերի կրճատումը Եվրոպայում։ Ապրիլին նա այս հարցը կապել էր առևտրի և եվրոպական երկրների առաջնորդների հետ հանդիպումներին։ Փորձագետները նշում են, որ Եվրոպայում ուժերի կրճատումը կարող է ԱՄՆ-ին թույլ տալ ուժերը կենտրոնացնել Թրամփի համար առավել առաջնահերթ տարածքներում՝ Խաղաղ օվկիանոում ու Մերձավոր Արևելքում։ Եվրոպական առաջնորդները մտահոգված են, որ ԱՄՆ-ի նմանատիպ ազդակները կարող են խախտել ՆԱՏՕ-ի նկատմամբ վստահությունը և թուլացնել կոլեկտիվ պաշտպանությունը։

Apple-ն ամենաբարակ iPhone-ը կներկայացնի

Apple-ը պատրաստվում է 2025 թվականի սեպտեմբերի 9-ին ներկայացնել իր նոր սարքերի շարքը, գլխավոր նորույթը կլինի iPhone 17 Air-ը՝ iPhone-ների պատմության ամենաբարակ մոդելը՝ մոտավորապես 5,5 մմ հաստությամբ։ iPhone 17-ը նման կլինի iPhone 16-ին, բայց կունենա բարելավված A19 պրոցեսոր, 6,3 դյույմ էկրան՝ 120 Հց հաճախականությամբ, 24 մեգապիքսել առջևի տեսախցիկ և հավանաբար 8 ԳԲ օպերատիվ հիշողություն։ Pro մոդելները (17 Pro / Pro Max) կստանան A19 Pro պրոցեսոր, 12 ԳԲ RAM, վերանայված տեսախցիկներ՝ ներառյալ 48 մեգապիքսելով խցիկ, ընդլայնված հնարավորություններով։

ԱԲ-ն կրճատում է սկսնակ մասնագետների աշխատատեղերը․ Բիլ Գեյթսը նախազգուշացնում է՝ կրթվելն անօգուտ է

Բիլ Գեյթսը հայտարարել է, որ չնայած ԱԲ գործիքների գրավչությանը, դրանց պարզ տիրապետումը այլևս չի ապահովում վստահելի աճի հեռանկար։ Նորեկներին մատչելի շատ հաստիքներ աստիճանաբար անհետանում են, ինչն ապագա շրջանավարտների համար կարիերայի սկիզբն էլ ավելի է բարդացնում։ Ավտոմատացումը մտնում է շուկայի բոլոր մակարդակներ։ Գեյթսը նախազգուշացնում է, որ կրճատումները կարող են ազդել ինչպես ֆիզիկական, այնպես էլ գրասենյակային աշխատանքների ոլորտի վրա։ Նրա խոսքով՝ ԱԲ-ի աճող արտադրողականությունը տեսականորեն կարող է ժամանակ ազատել ավելի հարմարավետ կյանքի համար, օրինակ՝ երկար արձակուրդների, սակայն ներկայիս համատեքստում դա ավելի շուտ հեռավոր ապագայի հնարավորություն է։

MIT-ն էլ, կարծես Գեյթսի խոսքի վրա, ստեղծում է ԱԲ-ով օժտված հումանոիդ ռոբոտներ առօրյա առաջադրանքների համար

Մոտ ապագայում ԱԲ-ով օժտված ինքնավար ռոբոտները կարող են դառնալ առօրյա կյանքի մասը՝ օգնելով տնային գործերում, ընդլայնելով ֆիզիկական հնարավորությունները և աշխատելով փոփոխվող միջավայրում։ Ruby անունով հումանոիդ ռոբոտին սովորեցնում են խոհանոցում ըմպելիքներ պատրաստել։

Ռոբոտը սովորում է մարդկանց շարժումներն ուսումնասիրելով․ ուսանողները կրում են սենսորներ, որպեսզի ռոբոտները հասկանան բռնելու ուժն ու շարժման արագությունը գործողությունների կատարման ժամանակ, որն օգնում է նրանց հարմարվել տարբեր առարկաների ու իրավիճակների։ Ի դեպ, Bank of America-ի կանխատեսմամբ՝ մինչև 2030 թվականը հումանոիդների տարեկան վաճառքը կարող է հասնել 1 միլիոն հատի, իսկ 2060 թվականին՝ 3 միլիարդի։ MIT-ն իր նորարարությունների և միջդիսցիպլինար մոտեցման շնորհիվ այս ոլորտի զարգացման հիմնական կենտրոններից մեկն է։

Subscribe now

xAI-ի համահիմնադիր Իգոր Բաբուշկինը լքում է Մասկի ընկերությունը

Մասկի xAI-ի համահիմնադիրներից մեկը՝ Իգոր Բաբուշկինը, այս շաբաթ հայտարարել է իր հեռանալու մասին: Բաբուշկինը հիմնում է իր սեփական վենչուրային ընկերությունը՝ Babuschkin Ventures-ը, որը կենտրոնանա ԱԲ անվտանգության հետազոտությունների վրա և ներդրումներ կկատարի մարդկության զարգացմանն ու տիեզերքի օրենքների ճանաչմանը նպաստող ստարտափներում: Բաբուշկինը նախկինում աշխատել է DeepMind-ում, այնուհետև OpenAI-ում, իսկ xAI-ում պատասխանատու է եղել ենթակառուցվածքների և ինժեներական գործընթացների համար:

Բաբուշկինի հեռացումը խորացնում է Մասկի կադրային կորուստները․ անցյալ շաբաթ հեռացել է իրավական բաժնի ղեկավարը, հուլիսին՝ X-գլխավոր գործադիր տնօրենը: Բաբուշկինի ԱԲ անվտանգության վրա կենտրոնացումը արտացոլում է ոլորտում աճող անհանգստությունները, մասնավորապես Grok-ի հետ կապված սկանդալների և անհանգստացնող վարքագծի մեջ մեղադրանքների համատեքստում: Վերջին ամիսներին xAI-ն հայտնվել է մի շարք սկանդալների կենտրոնում՝ կապված Grok չատ-բոտի հետ, որն, օրինակ, գեներացրել է վիրավորական կամ հակասեմական արտահայտություններ:

Ստորջրյա հետազոտությունը բացահայտել է համաշխարհային ջերմացմանը նպաստող նոր մեխանիզմ

Գիտնականները առաջին անգամ օգտագործել են 10 կմ երկարությամբ օպտիկական մալուխ Գրենլանդիայի սառցադաշտերից մեկի ֆյորդում՝ բացահայտելու համար սառույցի կոտրվելու և օվկիանոսի ջրերի հետ խառնվելու նոր մեխանիզմներ: Distributed Acoustic Sensing (DAS) տեխնոլոգիան թույլ է տվել անվտանգ կերպով հետևել կոտրվող սառույցի դինամիկային: Պարզվել է, որ սառցադաշտից սառույցի պոկվելը առաջացնում է ներքին ծանր ալիքներ՝ տարբեր խտության ջրային շերտերի միջև: Այս ալիքները խորքից տաք ջուրը բարձրացնում են դեպի մակերես և ավելի են փխրեցնում սառցադաշտի սառցե շերտերը:

Բացահայտումը կարևոր նշանակություն ունի կլիմայական մոդելների համար, քանի որ Գրենլանդիայի սառցադաշտերի զանգվածը կարող է օվկիանոսի մակարդակը բարձրացնել մինչև 7 մետր՝ սպառնալով ծովափնյա տարածքներին:

Subscribe now

Perplexity-ն առաջարկում է գնել Google Chrome-ը 34,5 մլրդ դոլարով

Perplexity AI ստարտափը Alphabet ընկերությանը ներկայացրել է 34,5 մլրդ դոլարի առաջարկ՝ Google Chrome բրաուզերը գնելու համար։ Գումարը գրեթե կրկնակի գերազանցում է Perplexity-ի ընթացիկ 14–18 մլրդ դոլարի գնահատականը։ Ընկերությունը հայտարարել է, որ մի քանի ներդրումային հիմնադրամներից ստացել է գործարքի ամբողջական ֆինանսավորման պարտավորություններ, սակայն դրանց անունները չի հրապարակել։ Chrome-ը աշխարհի ամենամեծ բրաուզերն է՝ ավելի քան երեք միլիարդ օգտատերով։ 

Perplexity-ն ծրագրում է պահպանել Chromium-ը որպես բաց աղբյուրով նախագիծ և Google-ը թողնել որպես որոնման համակարգ։ Սա արդեն երկրորդ նմանատիպ առաջարկն է. նախկինում Perplexity-ն փորձել էր գնել TikTok-ի ամերիկյան բիզնեսը։ Ներկայում Google-ը ԱՄՆ հակամենաշնորհային մարմինների ճնշման տակ է, և դատավորը կարող է պարտավորեցնել ընկերությանը վաճառել Chrome-ը՝ մրցակցության խախտման գործի շրջանակում։

OpenAI-ն աջակցում է Merge Labs-ին՝ Neuralink-ի հետ մրցող ծրագրին

Merge Labs-ը նպատակ ունի ստեղծել գերարագ ուղեղային ինտերֆեյսներ և օգտագործել արհեստական բանականությունը՝ բարելավելու մարդու և մեքենայի փոխազդեցությունը։ Սա «the merge» գաղափարի զարգացումն է՝ մարդու և տեխնոլոգիայի սիներգիա, որի մասին Ալթմանը բազմիցս խոսել է։ Merge Labs-ը դառնում է BCI (brain-computer interface) շուկայի նոր խաղացող, որտեղ ավանդաբար գերակայում է Մասկի Neuralink-ը։ Այս իրավիճակը էլ ավելի է թեժացնում Ալթմանի և Մասկի երկարամյա մրցակցությունը։

«Հաջորդ Apple-ը կդառնա նա, ով սմարթֆոնից պրիմիտիվ բան կստեղծի»

Այս կարծիքը հայտնել է Andreessen Horowitz-ի համահիմնադիր Մարկ Անդրիսենը՝ նշելով, որ ժամանակն է նոր հեղափոխական սարքի, որը ամբողջությամբ կփոխարինի սմարթֆոններին և կհարուցի տեխնոլոգիական առաջընթաց՝ ինչպես ժամանակին արեց iPhone-ը։ Նա նշել է, որ նման սարքի ստեղծումը կարող է տևել և՛ երեք տարի, և՛ երկու տասնամյակ։ Անդրիսենը ենթադրել է, որ ապագայի տեխնոլոգիան կհիմնվի հայացքով կառավարման վրա՝ հեռանալով էկրանից և սմարթֆոնի կոնցեպտից։ Նման սարքերի վրա արդեն աշխատում են մի քանի ընկերություններ․ Սեմ Ալթմանն ու Apple-ի նախկին գլխավոր դիզայներ Ջոնի Այվը ստեղծում են գաղտնի ԱԲ սարք, Rabbit և Humane ստարտափները մշակում են առանց էկրանի ԱԲ ուղեկիցներ, իսկ Meta-ն փորձարկում է խելացի ակնոցներ։ Անդրիսենը նաև նշել է, որ Apple-ը դեռևս կարող է լինել այն ընկերությունը, որը կիրականացնի հաջորդ տեխնոլոգիական հեղափոխությունը։

ProPublica հետաքննական լրագրության հարթակը հետաքրքիր  հոդված է հրապարակել այն մասին, թե ինչպես է Մոսադը հիմնովին փոխել իր մոտեցումը Իրանի դեմ պայքարում։ Իսրայելական հետախուզությունը հրաժարվել է ավանդական սեփական գործակալներից և անցել է իրանցիների և հարևան երկրների քաղաքացիների «ծառայություններին»։ Նոր սերնդի գործակալների մի մասն իրանցի այլախոհներ են, որոնք ուզում են տապալել իշխող ռեժիմը, իսկ մյուսներին շահագրգռում են ֆինանսական, կրթական կամ արտագաղթի հեռանկարներով։

Բացի այդ, օգտագործվել են նաև օտարերկրացիներ։ Եվրոպացի տեխնիկների կերպարանքով քողարկված գործակալները ներթափանցել են Նատանզի տարածք և հողի նմուշներ հավաքել՝ կոշիկների կրկնակի տակածուի շնորհիվ։ Հողի վերլուծությունը ցույց է տվել, որ ցենտրիֆուգները հարստացնում էին ուրանը 5%-ից բարձր մակարդակի։

Հունիսի 13-ի գիշերը մոտ 70 հոգի, բաժանված խմբերի և գործակալների ղեկավարությամբ, հարձակվել են Թեհրանի ծայրամասերում ՀՕՊ մարտկոցների և հրթիռային բազաների վրա՝ օգտագործելով անօդաչուներ և հեռավար զենքեր։ Հետազոտության համաձայն՝ խոցվել են ընտրված թիրախների 100%-ը։ Կիրառվել են նաև կեղծ հաղորդակցություններ. օրինակ՝ ռազմական հրամանատարներին կանչել են կեղծ խորհրդակցության, որպեսզի հետագայում ռմբակոծեն նրանց ապաստարանները։

Մի խոսքով, կարդացեք հոդվածը, եթե ուզում եք իմանալ ավելին։

Subscribe now

ԱՄՆ օդուժը պլանավորում է Tesla Cybertruck-երը օգտագործել որպես թիրախ հրթիռային փորձարկումների համար

Օդուժը մտադիր է գնել երկու Tesla Cybertruck և ոչնչացնել դրանք կառավարվող հրթիռներով։ Ինչու՞։ Որովհետև կա մտավախություն, որ հակառակորդները կարող են սկսել օգտագործել այս մեքենաները ռազմաճակատում։

Պետական գնումների կայքում հրապարակված փաստաթղթերի համաձայն՝ Cybertruck-ը առանձնանում է իր դիզայնով, չժանգոտվող պողպատից պատրաստված կորպուսով և 48 վոլտ սնուցման ճարտարապետությամբ, ինչը այն պակաս խոցելի է դարձնում։ Հենց այս պատճառով օդուժը ցանկանում է փորձարկել, թե որքան հեշտ է դրանք ոչնչացնել մարտական պայմաններում։ Տրանսպորտային միջոցները պարտադիր չէ, որ շարժվող լինեն. կարևորը միայն այն է, որ դրանք հնարավոր լինի քարշակել, թեկուզ առանց մարտկոցների։

Nvidia-ն և AMD-ն համաձայնել են ԱՄՆ կառավարությանը փոխանցել Չինաստանում չիպերի վաճառքից ստացվող եկամուտների 15%-ը

Գումարը կփոխանցվի արտահանման լիցենզիաներ ստանալու դիմաց, ներառյալ Nvidia H20 և AMD MI308 չիպերը, որոնք օգտագործվում են արհեստական բանականության ծրագրերում։ Չինաստանը երկու ընկերությունների համար էլ կարևոր շուկա է. Nvidia-ն ստացել է 17 միլիարդ դոլար եկամուտ (ընդհանուր վաճառքի 13%), իսկ AMD-ն՝ 6,2 միլիարդ դոլար (24%)։ Թրամփի ադմինիստրացիան 2025 թվականի ապրիլին կասեցրել էր այդ մատակարարումները, սակայն այժմ լիցենզիաները վերականգնվել են։ Համաձայնությունը քննադատության է արժանացել մի շարք փորձագետների կողմից, ովքեր պնդում են, որ այն կարող է վտանգել ԱՄՆ-ի ազգային անվտանգությունը, եթե չիպերը հայտնվեն չինական բանակի ձեռքում։

Մարսի վրա մարջանանման քար՝ Curiosity մարսագնացի նոր հայտնագործությունը

NASA-ի Curiosity մարսագնացը Մարսի վրա հայտնաբերել է մարջանի կտորի նման քար։ Սա նախկինում մոլորակի վրա հեղուկ ջրի գոյության նոր ապացույց է։ Մոտ մեկ դյույմ լայնությամբ փոքր քարը ունի ճյուղավոր կառուցվածք՝ մարջանի պես։Գիտնականները նշում են, որ սա իրական մարջան չէ, այլ բնական գոյացություն, որը ձևավորվել է միլիարդավոր տարիներ առաջ՝ ջրի և քամու ազդեցությամբ։ Այս բացահայտումը լրացնում է ապացույցները, որ Մարսի վրա երբեմն եղել է հեղուկ ջուր։

Subscribe now

Չինաստանը «գերպողպատ» է ստեղծել ջերմամիջուկային սինթեզի համար

Չինացի գիտնականները մշակել են բացառիկ CHSN01 ձուլվածք՝ գերամուր ցածր պողպատ, որը կարող է դիմանալ և՛ ծայրահեղ ցուրտ պայմաններին, և՛ հզոր մագնիսական ազդեցությանը։ Այս պողպատը ստեղծվել է ջերմամիջուկային էներգիայի շուկան նվաճելու ճանապարհին։ CHSN01-ը մշակվել է 10 տարի՝ հաղթահարելով այն կարծիքը, թե ստանդարտ պողպատի բարելավումը գործնականում անհնար է։ Նոր նյութը հաջողությամբ կիրառվում է BEST ռեակտորի կենտրոնական սոլենոիդում։ Այժմ բացվում է ճանապարհ դեպի ավելի արդյունավետ ջերմամիջուկային ռեակտորներ, ինչը կամրապնդի Չինաստանի դիրքերը ոլորտում։

Apple-ն ԱՄՆ-ում կարևոր բաղադրիչների արտադրության շղթա կստեղծի՝ ծախսելով 600 մլրդ դոլար

Թրամփի ճնշումներից հետո ընկերությունը հայտարարել է, որ չորս տարվա ընթացքում մեծացնելու է ամերիկյան արտադրության մեջ իր ներդրումները մինչև 600 մլրդ դոլար և գործարկում է American Manufacturing Program (AMP)՝ ԱՄՆ-ում կարևոր արտադրական շղթաների տեղայնացմանն ուղղված ծրագիր։ Մասնավորապես, iPhone-ի և Apple Watch-ի դիսպլեյները կարտադրվեն Կենտուկի նահանգում։ Ընդհանուր առմամբ նախատեսվում է հետազոտությունների, ԱԲ-ի, ինժեներական և ՏՏ ոլորտներում 20,000 աշխատատեղի ստեղծում։ ԱՄՆ-ում արտադրված բաղադրիչների մոտ երկու երրորդը կարտահանվի։

Հուլիսը դարձել է պատմության երրորդ ամենատաք ամիսը

Եվրոպական Copernicus ծառայության տվյալներով՝ 2025 թվականի հուլիսին մակերևույթի միջին գլոբալ ջերմաստիճանը կազմել է 16,68°C՝ 0,45°C-ով ավելի բարձր 1991–2020 թթ. ամսական միջին ցուցանիշից։ Սա հուլիսը դարձնում է երրորդ ամենաշոգ ամիսը՝ 2023 և 2024 թվականների ռեկորդակիր ամիսներից հետո։ Օրինակ, Թուրքիայում գրանցվել է 50,5°C ջերմաստիճան։ Թեև այս ամիսը չի գերազանցել անցյալ տարվա ռեկորդները, գիտնականները զգուշացնում են՝ մոլորակի տաքացումը շարունակվում է։ Գլոբալ տաքացումը չի ավարտվել, և ավելի հաճախակի են դառնում ծայրահեղ եղանակային երևույթները՝ ինչպես, օրինակ, տապը և ջրհեղեղները։

Երեխաների մեծամասնությունը հայտնել է, որ ունեն սմարթֆոններ, իսկ տասներորդ դասարանցիների մոտավորապես կեսը նշել է, որ իրենց բոլոր ընկերները սոցցանցերում են։ Այնուամենայնիվ, 8–9 տարեկան երեխաների մոտ կեսին թույլ չեն տալիս անգամ առանց մեծահասակի խանութով անցնել, իսկ ավելի քան 25%-ին՝ առանց մեծահասակների հսկողության փողոցում խաղալ։ Ծնողական վախը, սակայն, չափազանցված է. վիճակագրորեն, ամերիկացի երեխան փողոցում առևանգվելու համար պետք է միայնակ անցկացնի շուրջ 750,000 տարի (հա, ճիշտ եք կարդում)։ Երբ երեխաներին հարցրել են, թե ինչպես են նախընտրում ժամանակ անցկացնել ընկերների հետ, մեծամասնությունը նախընտրել է ոչ թե օնլայն խաղերը, այլ ազատ, չկարգավորված փողոցային խաղերը. ընդհանուր առմամբ՝ հենց այն, ինչից նրանք զրկված են ծնողների չափազանց մեծ վերահսկողության պատճառով:

Այսպիսով, սմարթֆոնները դարձել են փողոցային խաղերի և իրական ազատության փոխարինիչ։ Եթե ուզում եք՝ երեխաները հազվադեպ օգտագործեն հեռախոսը, նրանց պետք է տալ ինքնուրույնություն՝ նախաձեռնելու, դժվարությունները հաղթահարելու և կոնֆլիկտները հաղթահարելու համար։

Subscribe now

ԱՄՆ-ը դադարեցնում է mRNA պատվաստանյութերի ֆինանսավորումը

ԱՄՆ առողջապահության նախարար Քենեդի-կրտսերը 2025թ. օգոստոսի 5-ին հայտարարեց mRNA տիպի պատվաստանյութերին վերաբերող 22 նախագծերի ֆինանսավորման դադարեցման մասին։ Ընդհանուր գումարը կազմում է մոտ 500 մլն դոլար, փոխարենը նախարարությունը մտադիր է կենտրոնանալ ավելի ավանդական մոտեցումների վրա։

Քենեդիի խոսքերով՝ mRNA պատվաստանյութերը բավական արդյունավետ չեն COVID-19-ի և գրիպի պես վիրուսների դեմ՝ հատկապես դրանց մուտացիաների ժամանակ։ Նա հայտարարեց, որ ռեսուրսներն ուղղվելու են ապաակտիվացված վիրուսով պատվաստանյութերի և մուտացիաներին կայուն այլ տեխնոլոգիաների ֆինանսավորմանը։

Առողջապահության փորձագետները քննադատում են որոշումը՝ նախազգուշացնելով, որ այն կարող է լրջորեն խարխլել երկրի պատրաստվածությունը ապագա համաճարակներին, իսկ mRNA տեխնոլոգիաներից հրաժարվելը կարող է վտանգի տակ դնել նորարարությունը և բժշկության առաջընթացը քաղցկեղի ու վարակիչ հիվանդությունների բուժման ոլորտում։

Չինաստանում մոտ 7000 մարդ վարակվել է չիկունգունյա վիրուսով — բայց մի վախեցեք

Չիկունգունյան մոծակների միջոցով փոխանցվող վիրուս է, որն առաջացնում է բարձր ջերմություն, հոդացավեր, մաշկային ցան և թուլություն։ Այն մահացու չէ, սակայն կարող է երկարաժամկետ ցավեր առաջացնել՝ հատկապես տարեցների մոտ, և ներկայումս չունի հատուկ բուժում կամ պատվաստանյութ։ Չինաստանի Ֆոշան քաղաքում՝ Գուանդուն նահանգում, վերջին շաբաթներին գրանցվել է վիրուսով վարակվելու 7000-ից ավելի դեպք, ինչը երկրում 2008թ.-ից (վիրուսի առաջին հայտնաբերումից հետո) ամենամեծ բռնկումն է։

Ֆոշանը բռնկման էպիկենտրոնն է՝ մոտ 4800 հաստատված դեպքերի 98%-ը գրանցվել է հենց այստեղ։ Մահվան դեպքեր չեն գրանցվել։ Իշխանությունները կիրառում են համալիր միջոցներ տարածումը զսպելու համար՝ զանգվածային թեստավորում, հիվանդների մեկուսացում, ԱԹՍ-ներով մոծակների սիրելի՝ նեխող ջրերի հայտնաբերում ու մշակում և այլն։

Alibaba-ն ներկայացրել է Qwen VLo պատկերների ստեղծման մոդելը

Alibaba-ն ներկայացրել է նոր բազմամոդալ արհեստական բանականության մոդել՝ Qwen VLo, որը նախատեսված է պատկերների ստեղծման և խմբագրման համար։ Այն թույլ է տալիս ավելի ճշգրիտ հասկանալ տեքստային հարցումները չինարեն և անգլերեն լեզուներով։ Մոդելը դիրքավորվում է որպես գործիք՝ մարկետինգային նյութերի, նկարազարդումների և սոցիալական մեդիայի կոնտենտի ստեղծման համար։

Subscribe now

Lyft-ը և Baidu-ն 2026թ-ին Եվրոպայում ռոբոտաքսի կմեկնարկեն

Ամերիկյան Lyft ծառայությունների ընկերությունը ռազմավարական համագործակցության համաձայնագիր է կնքել չինական Baidu տեխնոլոգիական հսկայի հետ՝ 2026 թվականից Գերմանիայում և Մեծ Բրիտանիայում Apollo Go RT6 ռոբոտաքսիներ գործարկելու նպատակով՝ կարգավորող մարմինների թույլտվությունը ստանալու պարագայում։ Lyft-ը պատասխանատվություն է ստանձնելու մոբայլ հարթակի, գործառույթների և հաճախորդների սպասարկման համար՝ օգտագործելով FreeNow հավելվածը, իսկ Baidu-ն կտրամադրի ինքնավար ավտոմեքենաները։ Հետագայում նախատեսվում է ռոբոտաքսիների մասշտաբային տեղակայում ողջ եվրոպական մայրցամաքում։ Նախագիծը տեղավորվում է ավելի լայն միջազգային միտման շրջանակներում, քանի որ Uber, Wayve, WeRide և Momenta ընկերություններն արդեն ծրագրում են ռոբոտաքսի գործարկել Եվրոպայում՝ նույն տարում։ Սակայն հիմնական մարտահրավերները շարունակում են մնալ՝ տեխնոլոգիական հուսալիություն, կարգավորող գործընթացների բարդություն և հանրային արձագանք։

xAI-ը գործարկում է Grok Imagine-ը՝  text-to-video ֆունկցիայով

Իլոն Մասկի xAI ընկերությունը ներկայացրել է Grok Imagine մոդելը՝ վիդեոգեներացիայի նոր գործիք, որը տեքստային և գրաֆիկական հրահանգները վերածում է մինչև վեց րոպե տևողությամբ տեսանյութերի։ Գործառույթը դեռ փորձարկման փուլում է․ թանկարժեք բաժանորդագրություն ունեցող օգտատերերը ստանում են վաղ հասանելիություն, իսկ մյուսների համար այն հասանելի կլինի 2025թ. հոկտեմբերից։ Grok Imagine-ի «spicy mode» ռեժիմը հնարավորություն է տալիս ստեղծել ավելի բաց բովանդակություն՝ ներառյալ մասնակի մերկություն։ Այս հնարավորությունը արդեն մտահոգություն է առաջացրել իրավապաշտպանների շրջանում, որոնք զգուշացնում են deepfake-երի տարածման ռիսկերի մասին։

Գեյթսը կներդնի 2,5 մլրդ դոլար կանանց առողջության համար

Բիլ և Մելինդա Գեյթսի հիմնադրամը նախատեսում է ներդնել 2,5 միլիարդ դոլար կանանց առողջության ոլորտում՝ ուղղված հետազոտություններին և նոր լուծումների մշակմանը։ Ծրագիրը ներառում է մենոպաուզայի, էնդոմետրիոզի և պրեէկլամփսիայի ուսումնասիրությունը։ Սա Գեյթսի կողմից իր ամբողջ ունեցվածքը մինչև 2045 թվականը բարեգործության ուղղելու հայտարարությունից հետո հիմնադրամի առաջին խոշոր նախաձեռնություններից մեկն է։ Գեյթսը նշել է, որ կանանց առողջությունը երկար ժամանակ անտեսվել և թերֆինանսավորվել է՝ չնայած ոլորտում առկա բարձր մահացությանը։ Նոր նախաձեռնությունը նախատեսում է ֆինանսավորում տրամադրել ինչպես ցածր եկամտով երկրներում, այնպես էլ զարգացած տնտեսություններում։ Ներդրումները կկենտրոնանան հինգ հիմնական ուղղությունների վրա՝ մանկաբարձական օգնություն և հղի կանանց պատվաստում, մայրերի սնուցում և առողջություն, գինեկոլոգիա, հակաբեղմնավորիչ միջոցների հասանելիություն, սեռավարակների կանխարգելում։ 

Subscribe now

ԱՄՆ կառավարությունը պահանջում է խզել Google-Apple համաձայնությունը, ինչի հետևանքով Apple-ը կարող է տարեկան 12-20 մլրդ դոլար կորցնել

ԱՄՆ արդարադատության նախարարությունը համարում է, որ Google-ը խախտել է հակամենաշնորհային օրենսդրությունը՝ Apple-ին վճարելով իր որոնողական համակարգը iPhone-ներում և այլ սարքերում լռելյայն որոնողական համակարգ դարձնելու համար։ 2022 թվականին Google-ը Apple-ին վճարել է մոտ 20–28 միլիարդ դոլար, որից շուրջ 12,5 միլիարդը՝ միայն ԱՄՆ-ի օգտատերերի համար։ Այս եկամուտը կազմել է Apple-ի շահույթի մինչև 16 տոկոսը։ Եթե դատարանը արգելի Google-ին նման վճարումներ կատարել, բաժնետերերի շահույթը կարող է նվազել մինչև 10 տոկոսով։ Apple-ը պնդում է, որ կառավարական մեղադրանքները հիմնված են սմարթֆոնների շուկայի սխալ մեկնաբանության վրա և կարող են վտանգավոր նախադեպ ստեղծել։

Nintendo-ն վաճառել է 6 միլիոն Switch 2 կոնսոլ մեկնարկից հետո առաջին յոթ շաբաթում

Վաճառքի մեկնարկը տրվել է հունիսի 5-ին։ Սա օգնել է ընկերությանը եռամսյակային եկամուտները բարձրացնել մինչև մոտ 3,8 միլիարդ դոլար՝ 132 տոկոսով ավելին՝ համեմատած նախորդ տարվա նույն ժամանակահատվածի հետ։ Բնօրինակ Nintendo Switch-ի վաճառքը 2025 թվականի ապրիլ-հունիսին նվազել է 53,5 %-ով:

Համարվում է, որ ռնգեղջյուրների եղջյուրը բուժիչ հատկություններ ունի։ Այդ պատճառով նրանք հայտնվել են ոչնչացման եզրին։ Նախկինում որսագողերի դեմ պայքարի համար եղջյուններն անգամ կտրում էին։ Այս տարի սպանվել է արդեն մոտ 500 ռնգեղջյուր։

Subscribe now

Apple-ը պատրաստվում է գործարկել իր առաջին ծալովի iPhone-ը 2026թ. սեպտեմբերին

JPMorgan վերլուծաբանների տվյալներով, Apple-ը կներկայացնի iPhone Fold-ը 2026 թվականի սեպտեմբերին: Սարքը կկառուցվի  գրքանման տեսքով ու նման կլինի Samsung Galaxy Z Fold-ին, 7,8 դյույմանոց ներքին էկրան և 5,5 դյույմանոց արտաքին դիսփլեյ կունենա: Սպասվող արժեքը կկազմի 1999 դոլար՝ դարձնելով այն պատմության ամենաթանկ iPhone-ը:

Սարքը կունենա առանց ծալքի OLED դիսփլեյ, տիտանյա շրջանակ, Apple Pencil աջակցություն, 8K տեսախցիկներ։ Կանխատեսվում է, որ վաճառքը կսկսվի մի քանի միլիոն սարքով 2027 թվականին և ընկերությունը հույս ունի մինչև 45 միլիոն միավոր վաճառել 2029 թվականին՝ ավելի քան 65 միլիարդ դոլար վաստակելով: 

Ի դեպ, 2007-ից ի վեր վաճառված iPhone-ների քանակը հատել է 3 մլրդի շեմը։

TikTok-ը ներդնում է Footnotes՝ փաստերի ստուգման մեթոդ

TikTok-ն ԱՄՆ-ում պաշտոնապես գործարկել է Footnotes-ը՝ հանրության կողմից հրապարակվող նյութերում տեղ գտած փաստերի ստուգման համակարգ, նման այլ հարթակների Community Notes-ին: 18 տարեկանից բարձր ամերիկացի օգտատերերը՝ 6 ամսից ավելի հին հաշիվներով և առանց խախտումների, կարող են ավելացնել նշումներ և գնահատել ուրիշների գրառումները: Footnotes-ները ցուցադրվում են բնօրինակ վիդեոի տակ՝ օգնելով ճշգրտել բովանդակությունը: Նյու Յորքում ներկայացման ժամանակ ընկերությունը նաև ներկայացրել է նոր ֆունկցիաներ՝ ընդլայնված ծնողական կարգավորումներ, հեղինակների աջակցության գործիքներ և թվային բարեկեցություն:

Google-ը 6 միլիարդ դոլար է ներդրում Ասիայի ամենամեծ տվյալների կենտրոնի կառուցման համար

Google ընկերությունը հայտարարել է Հնդկաստանի Վիշակհապատնամ նավահանգստային քաղաքում 6 միլիարդ դոլար ներդրումներով 1 գիգավատ հզորությամբ տվյալների կենտրոն և ուղեկցող ենթակառուցվածքներ կառուցելու որոշման մասին: Սա կլինի ընկերության առաջին խոշոր տվյալների կենտրոնը Հնդկաստանում և ներդրումների ծավալով ամենամեծը Ասիայում:

Ընդհանուր գումարից 2 միլիարդ դոլարը կուղղվի վերականգնվող էներգիայի աղբյուրների՝ արևային և քամու ֆերմաների ստեղծմանը, որոնք նախատեսված են տվյալների կենտրոնի սնուցման համար: Տվյալների կենտրոնը կդառնա «Data City» տեխնոպարկի առանցքային ծրագիրը և կօգնի քաղաքը վերածել տարածաշրջանային IT և AI կենտրոնի:

Subscribe now

SpaceX-ը և NASA-ն պատրաստ են Crew-11 առաքելության թռիչքին

Այսօր Ֆլորիդայում Falcon 9 հրթիռը ուղեծիր կբարձրացնի Dragon Endeavour տիեզերանավը չորս հոգուց բաղկացած անձնակազմով, որոնցից մեկը Ռոսկոսմոսից է։ Սա SpaceX-ի տասնմեկերորդ ռոտացիոն թռիչքն է Միջազգային տիեզերական կայարան։ Ուղեծրում թիմը կմնա 6-8 ամիս, ընթացքում Crew-11-ը կիրականացնի փորձարկումներ Artemis ծրագրի աջակցության համար՝ ուսումնասիրելով թույլ գրավիտացիայի պայմաններում մեջ ցողունային բջիջների մշակման եղանակները:

Իսկ Չինաստանը մոդելովարում է Starlink արբանյակների դեմ «հարձակում»

Չինացի հետազոտողները, ներառյալ զինվորականներն ու  Ազգային պաշտպանության համալսարանի գիտնականները, ուսումնասիրում են SpaceX-ի Starlink արբանյակային ցանցին հակազդելու տարբեր եղանակներ՝ դրանք համարելով ազգային անվտանգության համար սպառնալիք: Առաջարկությունների թվում են ստորջրյա նավերից արձակվող լազերները, մատակարարման շղթաներին հարվածները, ինչպես նաև կամիկաձե արբանյակները՝ զինված իոնային շարժիչներով և ունակ վնասելու արբանյակների մարտկոցները կամ մանևրելու համար նախատեսված սարքավորումները: Starlink-ը կառավարում է ցածր երկրային ուղեծրում արբանյակների ամենամեծ խմբավորումը՝ ավելի քան 8000 սարք, որոնք ծածկում են 140 երկիր:

Subscribe now

Google-ը NotebookLM-ում գործարկել է Video Overviews ֆունկցիան

Այս հնարավորության շնորհիվ օգտատերերը կարող են բեռնված փաստաթղթերը, PDF-ները, պատկերները և տեքստերը վերափոխել վիդեո-ներկայացումների՝ տեսողական տարրերով, ինչպիսիք են գծապատկերները և իլուստրացիաները։ Սա հեշտացնելու է բարդ նյութի ընկալումը: Տեսանյութ ստեղծելիս հնարավոր կլինի կարգավորել պարամետրերը՝ թեման, լսարանի գիտելիքների մակարդակը և ներկայացման ֆորմատը: Ֆունկցիան արդեն հասանելի է անգլերեն՝ մյուս լեզուների համար էլ հասանելի կդառնա մոտակա շաբաթներին: 

Vogue-ի ԱԲ-մոդելն էլ բուռն բողոքների է բերել

Ամսագրի օգոստոսյան համարում Guess ապրանքանիշը տեղադրել է երկու էջանոց գովազդային արշավ արհեստական բանականությամբ ամբողջությամբ ստեղծված մոդելով: Այս մասին նշումը թաքցրած է մանր տառերով, ինչը բողոքի ալիք է հարուցել ընթերցողների շրջանում: Շատ բաժանորդներ պատկերները բնութագրել են որպես «սարսափելի» և «ոչ ռեալիստիկ», հայտարարելով, որ այս քայլը խախտում է Vogue-ի հանդեպ վստահությունը՝ ամսագրի ստեղծարարությունը կասկածի տակ դնելով։

Իրանում արաձելի երաշտ է՝ տեղումները նվազել են 40-45%-ով նորմայի համեմատ, գումարած րան, իրայելական հարվածներ վնա են հացրել քաղաքների ջրամատակարարման համակարգերին: Հասկանալու համար՝ երկու խոշորագույն ջրամբարները 13 ու  տոկոսով են լցված։ Երկրով մեկ ջրանջատումներ են, որոնք տևում են մինչև 18 ժամ։ Բնակիչների դժգոհությունը վերածվել է տեղական ցույցերի՝ «Ջուր, էլեկտրականություն, կյանք՝ մեր իրավունքներն են» կոչերի ներքո։ Իշխանությունները 23 նահանգում հայտարարել են պաշտոնական ոչ աշխատանքային օրեր կամ կրճատել աշխատանքային ժամերը՝ կոչ անելով բնակչությանը խնայել ջուրը և էլեկտրաէներգիան: Փորձագետները նշում են, որ ճգնաժամը պայմանավորված է նաև ռեսուրները տասնամյակներ ի վեր անարդյունավետ կառավարելով ու կոռուպցիայով։

Subscribe now

Զուգահեռ տիեզերքում, Մասկի Neuralink-ը մշակում է բիոնիկ աչք արհեստական բանականության հիման վրա

Իլոն Մասկի Neuralink ընկերությունը միացել է միջազգային կլինիկական հետազոտությանը, որը գլխավորում են Կալիֆորնիայի Սանտա Բարբարա համալսարանը և իսպանացի գիտնականները: Նպատակն է ուսումնասիրել խելացի բիոնիկ աչքի ստեղծման հնարավորությունները՝ ուղեղ-համակարգիչ ինտերֆեյսի հիման վրա։ Այն պիտի կոյրերին ճանաչել մարդկանց, տեղաշարժվել ու կարդալ։ Նախագիծը հիմնվում է Blindsight փորձարկական սարքի վրա, այն նախատեսվում է վաճառքի հանել մինչև 2030 թվականը։

Սեմ Ալթմանը զգուշացրել է՝ ChatGPT-ն կարող է դառնալ ապացույց ձեր դեմ դատարանում

OpenAI-ի CEO-ն «This Past Weekend» փոդքաստում հայտարարել է, որ ChatGPT-ի հետ զրույցները իրավական առումով գաղտնիություն չունեն՝ ի տարբերություն բժշկի, իրավաբանի կամ հոգեբանի հետ հաղորդակցության: Նա ընդգծել է, որ չնայած օգտատերերի վստահությանը, գրանցված զրույցները կարող են վկայություն դառնալ դատարանում։

Երիտասարդ օգտատերերն ավելի հաճախ են օգտագործում ChatGPT-ն որպես հոգեբանական աջակից։ սակայն զրույցները մնում են հասանելի ընկերությանը և կարող են դառնալ ապացույց դատական գործընթացներում: OpenAI-ն ջնջում է օգտատերերի կողմից ջնջված զրույցները 30 օրվա ընթացքում, սակայն քրվարույթ սկսելու դեպքում պարտավոր է լինելու պահպանել դրանք։

USAID-ի փակման պատճառով 10 մլն դոլարի արժողությամբ հակաբեղմնավորիչներ են ոչնչացվելու

Մոտ 11 մլն դոլարի արժողությամբ ստերիլ ընտանիքի պլանավորման միջոցներ (հակաբեղմնավորիչ դեղահաբեր, իմպլանտներ և պահպանակներ) մնացել են Բելգիայի և Դուբայի պահեստներում և այժմ ենթակա են ոչնչացման: Այդ քանակը կազմում է ԱՄՆ կողմից արտասահմանյան երկրներին բաշխելու համար տարեկան գնվող բոլոր հակաբեղմնավորիչների գրեթե 20%-ը:

ԱՄՆ-ն փորձել է վաճառել պաշարները, բայց ապարդյուն։ Մի քանի ՀԿ չի կարողացել գնել դրանք՝ Վաշինգտոնը շուկայական գին էր պահանջում։  Միայն ոչնչացման համար կծախսվի տոտ 167,000 դոլար, իսկ որոշ ապրանքները ժամկետի մեջ են  մինչև 2031-ը:

Subscribe now

Դատարանը հակասահմանադրական ճանաչեց Թրամփի որոշումը, որը չեղարկում էր ԱՄՆ-ում ծնունդի իրավունքով քաղաքացիությունը

Դատարանը հաստատել է, որ Թրամփի հրամանագիրը, որը բացառում էր ԱՄՆ-ում ծնված երեխաների ավտոմատ քաղաքացիությունը, եթե նրանց ծնողները ապօրինի միգրանտ են, հակասում է Սահմանադրությանը։  Թրամփի վարչակազմը պատրաստվում է բողոքարկել վճիռը Գերագույն դատարան, որտեղ արդեն տարաձայնություններ կան պահպանողական և լիբերալ դատավորների շրջանում։ 

Մոծակների գեների խմբագրումն արգելափակում է մալարիայի փոխանցումը

Կալիֆորնիայի Սան Դիեգոյի և Ջոնս Հոփկինսի համալսարանների գիտնականները բացահայտել են, որ մոծակների մեկ ամինաթթվային շղթայի փոփոխությունը գրեթե անհնարին է դարձնում մալարիայի վարակի փոխանցումը։ Սակայն ամենը դեռ միմիայն լաբորատոր փորձարկումների մակարդակում է․ բնության մեջ գյուտը կիրառելու համար անհրաժեշտ են խստագույն փորձարկումներ և էկոհամակարգային հետևանքների գնահատում։ Հաջորդ փորձարկումները ուղղված են լինելու բնական պոպուլյացիաներում հնարավոր փոփոխության անվտանգության գնահատմանը։ Եթե պարզվի, որ տեխնոլոգիան անվտանգ է, որ այն կարող է հեղափոխական դառնալ մալյարիայի դեմ պայքարում․ ամեն տարի մոտ 263 միլիոն մարդ է վարակվում այս հիվանդությամբ։

Meta-ն ներկայացրել է մկանային ազդանշանները կարդացող առաջադեմ բրասլետ

Meta-ն Nature հանդեսում հրապարակել է գիտական հոդված իր sEMG-RD բրասլետի նոր սերնդի մասին, որը ճանաչում է ձեռքի մկանների նուրբ ազդանշանները և դրանք վերափոխում համակարգչային կամ AR/VR սարքերի հրամանների։ Սարքավորումը կարող է աջակցել բարդ ժեստերին, ներառյալ բռնելու ուժը։ Meta-ի համաձայն, այս սարքը կհանվի վաճառքի մոտակա տարիներին և կարող է իդեալական լուծում դառնալ սահմանափակ շարժունակություն ունեցող մարդկանց համար՝ փոխարինելով տեսախցիկները և ֆիզիկական վերահսկիչները։ Ընկերությունը արդեն ցուցադրում է սարքն AR/VR  ակնոցների հետ և նախատեսում է արտադրանքը շուկա հանել մոտակա տարիներին։