Ապահով մաստագիտություններն ըստ Գեյթսի ու պաղեստինցիների ցույցը ՀԱՄԱՍ-ի դեմ

Ինչ ենք կարդում այս առավոտ

Բիլ Գեյթսն անվանել է 3 ոլորտ, որտեղ աշխատատեղերն ԱԲ-ն դեռ չի սպանի։ Դրանք են հենց ԱԲ զարգացումն, էներգետիկայի ոլորտն ու առողջապահական հետազոտություններն ու գիտությունը։ Իսկ, օրինակ, բանկային ոլորտի աշխատատեղերի մոտ կեսը կրճատման ռիսկի տակ է: Վայբ քոդինգն էլ, այսինքն՝ ոլորտի խորը իմացությամբ, ԱԲ գործիքներով կոդ գրելը, ըստ OpenAI համահիմնադրի, կարող է 100 այթիշնիկին փոխարինել 10-ով։

Միլիարդատեր Մարկ Կուբանի անունից էլ առանձին չաթբոթ կգործի

Պիտի վրաճեք ամիսը 10 դոլար ու խորհուրդներ ստանաք բիզնեսից, անձնական կյանից, կամ շփվեք ինչի մասին ասես, գաղափարը MasterClass հարթակինն է։ Այնտեղ են լինելու նաև այլ ԱԲ-մենթորներ՝ Գորդոն Ռեմսիից մինչև Ռիչարդ Բրենսոն։

Դիսնեյի նոր «Սպիտակաձյունիկը» IMDB-ում 1․6 վարկանիշ է ստացել

Այս պահի դրությամբ սա ընկերության ամենացածր վարկանիշով ֆիլմն է՝ ու ամենացածր վարկանիշով ֆիլմերից մեկն ընդհանրապես։ Քվեարկել է մոտ 160 հազար մարդ։ Ֆիլմի բոքս-օֆիսը ևս կաղում է` մոտ 90 մլն աշխարհում առաջին վիքենդին։ Դրան բերած խնդիրների երկար շարան կա՝ սկսած դերասանների մաշկի գույնից ու թզուկներից, որոնց նկարել են՝ դերասաններ կանչելու փոխարեն, վերջացած իսրայելա-պաղեստինյան կոնֆլիկտից ու գլխավոր դերերը ստանձնած դերասանուհիների 180 աստիճան տարբեր վերաբերմունքից այդ հիմնահարցին։

Իսկ այդ կոնֆլիկտի գոտում վերջին շաբաթում առնվազն 830 մարդ է զոհվել

Սա, ամեն դեպքում, հենց Գազայի տվյալներն են։ Իսրայելական ռմբակոծություններին զուգահեռ անկլավում ցույցեր են սկսվել ՀԱՄԱՍ-ի դեմ՝ մի բան, որ չի եղել այնտեղ խմնբավորման իշխանության հաստատումից հետո։ Նրանք շարունակվե են 2 օր, պատերազմն ավարտելու կոչով փողոց դուրս եկան հազարներ։

Իսկ Կանադայի ու ԱՄՆ միջև օդային ուղևորափոխադրումները կրճատվել են 3/4-ով

Սա տեղի է ունենում երկու երկրի միջև հարաբերությունների վատթարացման ֆոնին։ Եթե 2024-ի ապրիլի համար ամրագված էր 1․4 մլն տոմս, այս ապրիլի համար ցուցանիշն ընկել է մինչև մոտ 300 հազար։