Վրաստանում հայտնաբերվել է 1,8 մլն տարվա հնության մարդկային ծնոտ։ Սա Աֆրիկայից դուրս մարդու ներկայության ամենահին ապացույցներից մեկն է։ Հայտնագործությունը արվել է Քվեմո Օրոզմանի գյուղում՝ Թբիլիսիի Իլիա պետական համալսարանի մասնագետների կողմից։ 2022 թվականին նույն տարածքում նրանք արդեն գտել էին նույն ժամանակաշրջանի մարդկային ատամ, իսկ մոտակա Դմանիսիում նախկինում հայտնաբերվել էին նույն հնության Homo erectus-ի գանգեր։ Բացի այդ, հայտնաբերվել են բազմաթիվ կենդանիների՝ վագրերի, փղերի, գայլերի, եղջերուների բրածոներ, ինչպես նաև քարե գործիքներ, որոնք թույլ են տալիս ավելի լավ հասկանալ Եվրասիայի առաջին բնակիչների ապրելակերպը։