Թույնի բաղադրատոմս GROK-ից, Անորայի մարկետինգի բյուջեն ու բախումներ Սիրիայում
Ինչ ենք կարդում այս առավոտ
Սոցիալական նորությունների Digg հարթակը, որը հիմնադրվել է 2004 թվականին և ժամանակին մրցում էր Reddit-ի հետ «ինտերնետի գլխավոր էջի» տիտղոսի համար, պատրաստվում է վերագործարկման: Digg-ի հիմնադիր Քևին Ռոուզը և Reddit-ի համահիմնադիր Ալեքսիս Օհանյանը գնել են հարթակը չբացահայտված գումարով: Հայտարարվում է, որ Digg-ի վերագործարկումը նախատեսված է 2025 թվականին և նպատակ ունի վերադարձնել վաղ ինտերնետճհամայնքների ոգին` հաշվի առնելով ժամանակակից տեխնոլոգիաները և օգտագործողների կարիքները:
Ավելի վաղ պատմել էինք, ինչպես է Օհանյանն աշխատում Տիկտոկը գնելու ուղղությամբ
ԱԲ-ն կարող է տհաճ անակնկալներ մատուցել՝ մասսայական ոչնչացման զենքի ստեղծման ռեցեպտների տեսքով
Grok-3-ը DeepSearch ռեժիմում մանրամասն բաղադրատոմս է ստեղծել զանգվածային ոչնչացման թունավոր նյութ ստեղծելու համար: Մոդելը տրամադրում էր քայլ առ քայլ ծրագիր, անհրաժեշտ քիմիական նյութերի ցանկ, դրանց՝ Եվրոպայում գտնվող մատակարարներին, և որոշ նյութեր գնելու լիցենզիաները շրջանցելու առաջարկություններ: Թեև այս տվյալները հասանելի են առցանց, սակայն առանց նեյրոնային ցանցի օգնության դժվար կլինի դրանք հավաքել մեկ փաստաթղթում։ Ծանուցումից հետո xAI մշակողները արագ շտկեցին այս խոցելիությունը, սակայն սահմանափակումները շրջանցելու ուղիներ դեռ կան։
Իսկ Հարավային Կարոլինայում այսօր հնարավոր է առաջին գնդակահարությունը կայանա
67-ամյա դատապարտյալին հարցրել են՝ էլեկտրական աթո՞ռ, թե մահաբեր սրսկում, նա ասել է՝ ոչ էն, ոչ էն, գնդակահարություն եմ ուզում։ Ու այժմ նահանգը փնտրում է գնդակահարողների թիմ՝ դատավճիռն ի կատար ածելու համար։
Սիրիայում կրկին արյուն է թափվում
Առնվազն 70 զոհ կա Լաթաքիայում՝ Ասադի կրոնակից ալավիտներով բնակեցված ծովափնյա քաղաքում, նոր կառավարության ու ալավիտների զինված բախումների հետևանքով։ Բացի այդ, երկրի հարավում բախումներ են տեղի ունեցել նոր կառավարության ու դրուզերի միջև։ Վերջին օրերին երկրի տարբեր շրջաններում բախումներ են տեղի ունեցել տարբեր զինված խմբավորումների միջև, որոնց հետևանքով քաղաքացիական բնակչության շրջանում զգալի զոհեր են գրանցվել։ Իրավիճակը հատկապես ծանր է Իդլիբ և Հալեպ նահանգներում։
ՀԱՄԱՍ-ն էլ պատասխանել է Դոնալդ Թրամփի սպառնալիքներին՝ ասելով․ ցանկացած լարման դեպքում սպանելու է իսրայելցի բոլոր պատանդներին։
Իսկ օսկարակիր «Անորան» 18 մլն դոլար է ծախսել ֆիլմի մարկետինգի վրա
Դա 3 անգամ շատ է, քան նկարահանման բյուջեն։ Ագրեսիվ մարկետինգային արշավը, որի մասին ավելի մանրամասն կարող եք կարդալ այստեղ, ուղղված էր ոչ միայն ավանդական քննադատներին, այլև լայն հանրությանը։ Արդյունքը, բացի պարգևներից, նաև եկամուտի ձևով է արտոցոլվել․ ֆիլմը հավաքել է 41,4 միլիոն դոլար ամբողջ աշխարհում, այժմ հասանելի է սթրիմինգային հարթակներում կրկին կցուցադրվի կինոթատրոններում:
«Անորա»-ի մարքեթինգի բյուջեի մասին հղումը չաշխատեց, որ խնդրեմ կուղարկե՞ք:
Շնորհակալություն նորությունների համար, ես ամեն օր սպասում եմ 🙂