Black Sabbath հրաժեշտի համերգից հետո Օզի Օսբորնը շարունակում է ստեղծագործական գործունեությունը կերպարվեստի բնագավառում: Նա պատրաստել է հինգ կտավ՝ ակրիլային ներկով շերտեր գծելով, այնուհետև թույլ է տվել «համահեղինակներին»՝ Ֆլորիդայի Save the Chimps ապաստանարանի շիմպանզեներին՝ ավարտելու աշխատանքները: Ստացված աբստրակտ գործերը նա ստորագրել և հանել է բարեգործական օնլայն աճուրդի՝ 1000 ֆունտ մեկնարկային գնով: Օսբորնը նշել է, որ սովորաբար չի վաճառում իր նկարները, բայց որոշել է աջակցել լաբորատորիաներից և ապօրինի պահեստավայրերից փրկված շիմպանզեների ապաստանարանին: